Fjölgeislamælingar

Uppfærður mælingabúnaður Köfunarþjónustunnar.

Undanfarin ár hefur Köfunarþjónustan unnið að því að uppfæra mælingabúnað sinn og stefnir á að halda áfram í þeirri vegferð. Felast þær uppfærslur bæði í uppfærslu á vélbúnaði og hugbúnaði. Helstu uppfærslur á fjölgeislamæli eru:

Uppfærsla úr 512 geislum í 1024 geisla: Sem gefur mun þéttari punkta og betri upplausn í gögnunum.

 X-range: sem gefur aukin gæði, dregur úr truflunum (noise) í gögnum. Þar af leiðandi er aukin mælingabreidd og því hraðari og betri mælingar.

Normailzed backscatter: Auðveldar vinnslu á endurvarpsgögnum og gefur skýra mynd af endurvarpsstyrk hafsbotnsins. Þetta getur nýst í leit að hentugum lagnaleiðum eða annarri vinnu þar sem þarf að finna grjót eða annað sem sker sig úr sjávarbotninum.

Botngerðarkort (Bottom Classification): Sem nýtir normalized backscatter til að kortleggja efnisgerðir á hafsbotni og er botngerðinni skipt í allt að 20 flokka allt frá hreinum leir og yfir í hreina möl. Kvarða með efnisflokkum má sjá á hægri hlið myndarinnar. Á þessari mynd má sjá nánast alla flokka.

Þessu til viðbótar hefur Köfunarþjónustan fjárfest í nýrri tegund af festingu fyrir fjölgeislamælinn frá fyrirtækinu Universal sonar mount sem gefur okkur kost á að flytja búnaðinn auðveldlega á milli báta. Ásamt því að allur búnaðurinn pakkast í töskur sem auðvelt er að taka með sér á milli landa og festa á hvað bát sem er. Með því vonumst við til að geta þjónustað okkar kúnna enn betur en áður,  hvort sem það er innanlands eða erlendis.

Setþykktarmælingar

Sem fyrr bjóðum við upp á setþykktarmælingar vegna framkvæmda í sjó og vötnum. Setþykktarmælingar henta vel til að kortleggja undirliggjandi jarðlög og berggrunn á framkvæmdasvæðum. Við höfum um árabil þjónustað Vegagerðina og verkfræðistofur vegna stórra sem smárra rannsókna hér við land. Með lágri hljóðtíðni og mikilli sendiorku má ná niður í setlög á botni. Tæknin leyfir m.a. mælingar á þykkt lausra jarðefna og dýpi á klöpp. Þessari tækni er beitt við kortlagningu hagnýtra jarðefna, dýptarmælingu á klöpp vegna mannvirkjagerðar og margt fleira.,

Með uppfærslu á hugbúnaði getum við nú útbúið betri kort að af undirliggjandi jarðlögum en við höfum áður getað gert. Þessi gerð korta auðveldar fólki að sjá fyrir sér undirliggjandi jarðlög. Hér má sjá kort af undirliggjandi setlagi frá kortunum hér að ofan.

Kjarnaborun (Vibracorer)

Köfunarþjónustan bíður upp á að taka vibracorer-kjarna úr setlögum á hafsbotni. Þetta er oft notað í framhaldi af setþykktarmælingum til að átta sig á samsetningu setlaga á hafsbotni. Einnig hefur þetta nýst til að kortleggja mengun í setlögum áður en til framkvæmda kemur. Setkjarnarnir eru teknir í 100mm sver rör og geta orðið allt að 6 metra langir.  Þetta hefur reynst vel í kortlagningu hagnýtra jarðefna (möl og sandur, kalkþörungaset). Einnig má nota kjarna af þessu tagi við mælingu verkfræðilegra eiginleika setlaga.

Botnsýni

Köfunarþjónustan hefur yfir að ráða botngreip sem hentar vel til að taka sýni af yfirborðsefni á botni hafs og vatna.

Einnig býður köfunarþjónustan upp á þjónustu jarðfræðings við að greina efnið sem fæst úr sýnatökunni og vinna skýrslu með niðurstöðu rannsóknanna.

Kvikmyndataka á Hafsbotni

Köfunarþjónustan hefur yfir að ráða búnaði til Kvikmyndatöku á hafsbotni. Hvort tveggja með fjarstýrðum kafbát (ROV) eða með myndavél á sleða sem dregin er eftir bát. Hér að neðan má sjá skjámynd úr myndbandi sem tekið er með slíkum búnaði. Þessi búnaður er notaður ef það þarf að greina og kortleggja yfirborðsþekju á hafsbotni, sama hvort um er að ræða setgerð eða lífrænt efni.