Köfunarþjónustan ehf er stærsta fyrirtæki sinnar tegundar á Íslandi.  Fyrirtækið hefur áralanga reynslu á sviði köfunar, er vel tækjum búið og hefur yfir að ráða hópi reyndra atvinnukafara. Fyrirtækið tekur að sér stór sem smá köfunarverkefni í sjó, vötnum og lónum.  

Köfunarþjónustan er viðurkennt af helstu flokkunarfélögum heims og hefur veitt fjölmörgum erlendum skipum sem eiga viðkomu á íslandi þjónustu.  
Tækjakostur fyrirtækisins er með því besta sem hægt er að bjóða upp í köfunarverkefnum.  Fyrirtækið hefur nokkrar færanlegar köfunar-stjórnstöðvar sem hægt er að flytja á milli staða með skömmum fyrirvara hvert á land sem er, loftdælur sem flytja köfurum loft til að þeir geti lengt veru sína í neðansjávarverkefnum
.  Trygg fjarskipti við köfunarstjórnstöð og afþrýstiklefar tryggja bæði skilvirkni og öryggi.

Meðal verkefna sem félagið sinnir er þjónusta við sjávarútveginn sem felst m.a. í því að skera aðskotahluti úr skrúfum skipa, skipta um fórnarskaut (zink) og botnstykki dýptarmæla,  botnhreinsun skipa, póleringu skipsskrúfa og suðuvinnu svo eitthvað sé nefnt.
Köfunarþjónustan ehf. býður upp á margvíslega köfunarþjónustu fyrir hafnir landsins.  Viðgerðir á bryggjuþilum og uppsetning fórnarskauta á þau til hindra tæringu, hreinsun hafna og dýptarmælingar eru meðal helstu verkefna.  
Ef óhöpp verða þá þarf oft að bregðast hratt við til að bjarga verðmætum og er Köfunarþjónustan ehf. því með vakt allan sólarhringinn og reiðubúin að taka við nýjum verkefnum með skömmum fyrirvara.